Ortalièr a la retirada mas jardinièr de sovenirs enquera plan actiu, Norbert Marty nos liura lo melhor de son enquèsta sus l'istòria de Albuga, pèrla del Perigòrd Negre. E d’en prumièr, nos explica çò que vòl dire, d’aprep el, son nom d’origina, lo famós "ALBUGA"

Formada a l’Escòla dels grands mèstres a la Rodin, en l’ocurréncia l’artista Pétrus dins son talhièr parisian, Fabi Lormeau fuguèt iniciada dins la granda tradicion al dessenh, a la tèrra e a la talha dirècta de la pèira d’aprèp modèl viu. A 35 ans, ven de plantar dins lo Perigòrd preïstoric una tièra de Venús, de la talha d’una man a la d’un uman, de natura a entrar dins la granda dança de las figuras simbolicas las mai espuradas dels primièrs artistas del Paleolitic.

Son pus gaire nombrós los que se sovenon de çò que se passèt en Perigòrd en 1939, a la tota debuta de la segonda guèrra mondiala. Condamnats a l'exòde, de milièrs d'Alsacians son arribats lo còr gròs, amb lor modèsta valisa e an degut trobar aicí sa plaça per subreviure, luènh de la zòna dels combats. Pauleta Bousquet, drolleta de 4 ans a l'epoca dels fachs, los a vist arribar dins son pitit maine de la Vernhòla, sus la comuna de Campanha. Testimònia de la brava leiçon d'umanitat que paísans perigordins e exilats alsacians an sabut laidonc inventar.

A 92 ans, Gabrielle Loste, maridada Bets, nascuda a Albuga en 1914, nos conta sos sovenirs quand trabalhava al castèl de Sent-Circ puèi a l’ostalariá del Cròs-Manhon amb la frescor e l’imor de la dròlla plena de fantasiá qu’a sabut demorar.