Fèsta de la Preïstòria
 

Talha d'un biface de Neandertal en temps real
a partir d'un cambajon de frejal del País de Brajairac,
per Nicolau Audebert

Rencontre amb Nicolau Audebert, iniciat al saber-far preïstoric
per Renat Castanet, preïstorian del Valon de Castèl Mèrle en Perigòrd

Lo batifuòc de Cròs Manhon : un frejal, una marcassita e de l'esca,
aquò marcha, a condicion d'aver de buf e de la perseverança

Bernat Bouffier, sortit del campament preïstoric de Borniquèl
en Tarn e Garona, nos presenta l'arma fatala del caçaire paleolitic :
lo propulsor de sagaia

Iniciat per de preïstorians preocupats d’estudiar, per la practica,
la poténcia e l'eficacitat del propulsor de sagaia averada en Euròpa
del Solutrean al Magdalenian, un campionat del monde d’aquela disciplina
es organizada cada an per l'associacion americana World Atlatl.
Lo 31 de julhet 2010, una partida se disputèt a la Chapelle-aux-Saints.

Retrobar las sensacions del caçaire preïstoric en visar grands pavons, gelabras, ors, rèns, lops e linx, aquò's possible a la Chapelle-aux-Saints, lòrs del campionat europèu de tir de sagaia al propulsor… a condicion çaquelà de ben se preparar.

Nisat dins la preclara Bouffia Bonneval, l'escrivan Marc Klapczynski nos parla de sa vision de la preïstòria tala que la desvolopa dins sa trilogia : « Ao, l'odyssée du dernier Néandertal ».

Lo clan d'Ao, aquò’s tres autors :
Marc Klapczynski, Clara Troilo e Amanieu Roudier
que defendon ensemble l'idèia que, per avançar,
los òmes an dempuèi la nuèch dels temps besonh de s'entre-ajudar.

L'idèia d'Ao qu'an aguda al mesme moment sens se conéisser a fargat lor amistat
e lor enveja de crear ensemble. Aquò’s Amanieu Roudier que illustrèt l’album
per los dròlles de Clara Troilo « Ao, petit Néandertal » e lo libre per
lo joine public de Marc Klapczynski « Ao, le dernier Néandertal ».

I aguèt mestissatge entre Neandertal e Cròs Manhon ?
Una ipotèsi que comença de s’apevar, coma nos l'explica Marilèna Patou Mathis, arqueozoològa al Museum Nacional d'Istòria Naturala.

« Puslèu que d'establir de las ierarquias ideologicas, aprenèm a acceptar las diferéncias culturalas : nos cal salvar la biodiversitat de l'umanitat ! »
Una crida lançada per la cercaira Marilèna Patou Mathis, arqueozoològa al Museum Nacional d'Istòria Naturala.

De recentas descobèrtas en Ouzbékistan an per tòca de tornar pensar lo movement preïstoric de las populacions. A l'Est i a de causas novèlas, per Marilèna Patou Mathis, arqueozoològa al Museum Nacional d'Istòria Naturala.

CAÇAIRES, AMASSAIRES E SEDUCTORS
Se son aimats los òmes del passat ?
Fotòs de l'article

L'omenatge a Joan-Pèire Ville

defuntat lo 14 de setembre 2011, a l’atge de 74 ans, aprèp una grèva malautiá.

Èra lo V de B.V.A. (Brulé-Ville Associats), l'institut de sondatge qu’aviá fondat en 1970 amb Miquèu Brûlé e al dintre del qual tots dos avián revolucionat l'apròchi e las tecnicas de l'enquèsta d'opinion. Amb Genevièva, sa femna dempuèi 32 ans, fasián un coble calorós, complice e armoniós. Avián causit de préner lor retirada en Corrèsa e s’èran tots dos engatjats a titre benevòl al dintre de l'associacion la CASAP (Chapelle-aux-Saints Arqueologia e Patrimòni) que Joan-Pèire presidava dempuèi 2009. Al costat de Rosalina Mons, cargada de la valorizacion del Patrimòni, e de tota la còla dels benevòls de la CASAP, avián trabalhat per l’espandiment del Musèu de l'Òme de Neandertal en imaginar de Fèstas de la Preïstòria evenimencialas. Aquò’s ensemble qu'avián reüssit a organizar, dins lo mai pichon vilatge de Corrèsa, una abans-primièra en plen air del film « Ao » de Jacme Malaterre davant mai de 800 personas, puèi a far venir per lo salon del libre que an iniciat, l’estèla americana del roman preïstorica, la famosa Jean Auel, que escriguèt la sagà « Les Enfants de la Terre ».

Lòrs de sas funeralhas civilas a Curemonte lo 22 de setembre 2011, sos collaborators, sos pròches e sa familha an balhat lo retrach d'un òme curiosament dotat per las relacions umanas, sapchant metre cadun a l'aise en totas circonstàncias. « Lo pichon calossut coma l'apelava Marilèna Patou Mathis èra un grand òme, joslinhèt Rosalina Mons, e contunharem a trabalhar dins l'esperit que bufèt dins nòstra còla. »

Marylène Patou Mathis, Jacques Malaterre et Jean-Pierre Ville

Marilèna Patou Mathis, arqueozoològa a l'Institut de Paleontologia Umana, Jacme Malaterre, realisator e Joan-Pèire Ville, President de la CASAP, lo 4 d’aut 2010 a La Chapelle-aux-Saints

Testimoniatge d’aquel esperit, la Fèsta de la Preïstòria de 2010, la darrièra a la quala aurá assistat, balhant al public la vision d'un vilatge metamorfosat, que viu al ritme e al son de la preïstòria. La Chapelle-aux-Saints plonjada al temps d'abans antan, poiretz vos i permenar en visionar los 12 reportatges aquí-dessús. Un brave viatge que es vengut una tradicion alentorn de cada 3 d’aut, amb cicle de conferéncias, salon del libre e taulada preïstorica, e qui, gràcia a la mobilizacion de tota la còla de benevòls de la Chapelle-aux-Saints, entend ben perdurar.

Sofia Cattoire

Geneviève et Jean-Pierre Ville

Geneviève et Jean-Pierre Ville

Roseline Mons et Jean-Pierre Ville

Roselyne Mons et Jean-Pierre Ville



FERRASSIE TV production Une production FERRASSIE-TV
Copyright © FERRASSIE-TV mai 2011

Nous contacter

www.albuga.info

 

Copyright © FERRASSIE-TV septembre 2011

version française