Petit retorn sus una granda zòna d’influéncia que Al Buga — au centre del Perigòrd negre — demòra lo còr batent. La causida dels paísatges ont s’installar a la sortida de la Preïstòria barrutlaira, fai 10 000 ans, se caracteriza per une pensada madura e sàvia. Las aigas vivas del riu de La Dotz "La Sorga" en occitan — esposcan los tèrmes d’una val druda abans de se getar dins lo riu Vesèra. Asaga a son torn al grat de sas vòltas serpentosas de vastas planas ondejantas.

Compte tengut d'accidents desplasents arribats en França aquelas darrièras annadas – balas perdudas que an mortalament tocat d'automobilistas, de randolejaires o de ribairencs dins lor casal – la tension monta entre los caçaires e los que estiman que deuriá pas i aver de caça a l'entorn de lor ostal. E quò's lor drech. Lo drech de non-caça exista, manca dins tres departaments en Alsàcia-Mosèla, que fan excepcion. Per far valer aquel drech de non caça pertot alhors, conven de ne'n far la demanda per corrièr recomandat amb acusat de recepcion mandat a la Federacion dels Caçaires de vòstre Departament. Lors presidents e lors tecnicians son vòstres interlocutors privilegiats, sauràn vos assabentar e vos acompanhar. Els sols son abilitats a zo far. Anam dins aquel article vos indicar concrètament las demarchas de sègre, son simplas e rapidas.

Lo Téléthon d’Aubàs e dels vilatges d'alentorn se debanèt en decembre 2011 per una bona partida dins lo castèl de Sauvebœuf, mes a la disposicion dels benevòls per Claudi e Florença Douce, mecènes istorics d'aquela nòble causa. Una conferéncia de Gonzague Saint Bris sus sa recenta biografia de Balzac puèi un recital arpa e guitarra donat per lo grope « Fingers crossed » an precedit una magnifica taulejada balzaciana imaginada per lo chefe Eric Boyard e sa brigada « Il pleut dans ma bouche » ajudada per l’ocasion per la gaujosa tropa « Aubas’Tringue ». Ensemble, an reüssit la proësa d’unir mesa en boca e mesa en scèna, transportant cosinas e sala de recepcion al temps dels grands mèstres flamencs. Un sopar dieusenc que reservèt de mai als convidats una subrebèla suspresa, a descobrir dins lo reportatge virat per Ferrassie TV per sosténer l’A.F.M. Associacion Francesa contra las Miopatias.

Una famosa sentor de cambajon rostit, un garçon de café mal embocat a soat – tot exprès per vos descunhar – un aviator zelat mai portat a la javà qu’a l’envòl immediat, lo « Village du Bournat » fai sang de nòu dins un ambient de teatre de carrièra gràcia als « Bouffons Volants » que a partir de d’ara enavant bòtan lo fuòc al bornhon.

Dins l'anciana percepcion d’Albuga, en fàcia de l'escòla primària, carrièra de la Boetia, los jorns de bradariá, la Crotz-Roja aquò’s la mai "bat" de las botigas de vestits vièlhs, amb de fardas per tota la familha e un acuèlh adorable de la part de la còla femenina que s'i consacra. Benevòlament, per reculhir e per tornar distribuir. La Crotz-Roja a besonh de vosautres tots per contunhar d’ajudar, viste, simplament, amb totjorn la mesma eficacitat.

Una scèna d'un autre atge - l'adobament solèmne de dos chivalièrs - s'es debanada a l'ombra de l'abadiá de Paunat. Una ceremonia rara qu’avèm pogut filmar dins la sentor del famós pairòl de las mongetas codena de Paunat, una recèpta jalosament gardada dempuèi milenaris.