Aquò’s a Las Aisiás, la capitala mondiala de la Preïstòria, que la debuta de las projeccions del film "Un Château Hanté par la Préhistoire" dins las escòlas primàrias de la val de Vesèra se debanèt lo 7 d’octobre passat. Una iniciacion als esplechs preïstorics prepausada per Sofia Cattoire e Vincenç Lesbros de Ferrassia TV, menada gràcia a la participacion de la Comunautat de Comunas « Vallée de l’Homme ».

Après lo film, òm entra dins la 3D... Aquò’s per lo tocar que los dròlles descrueben tota la finessa dels frejals talhats.

Serada de dobertura del 12ⁿ Festenal del Film d'Arqueologia d'Amiens dont l'objectiu d’après son director Tahar Ben Redjeb es de « satisfar l'insadolabla curiositat de las e de los que son persuadats que la civilisacion s'arrèsta pas a las frontièras de lors terraires, mas qu'es la frucha de totas las civilisacions que nos an davançadas ».

Presentacion del film "Un Château Hanté par la Préhistoire" per la realisatritz Sofia Cattoire
lòrs del 12ⁿ Festenal del Film d'Arqueologia d'Amiens