Lo tcho tcho de la vièlha locomotiva que arriba en gara de Las Aisiás a embelinat lo monde vengut nombrós per celebrar los 100 ans de l'inauguracion del Musèu nacional de Preïstòria de Las Aisiás.

Al moment de son parladís Natalia Fourment, doctora en Preïstòria e directritz del Musèu nacional de Preïstòria de Las Aisiás, a ben pres suènh de mercejar l'ensemble dels partenaris qu'ela e sa còla an sauput federar per festejar a sa justa mesura aquel aniversari.

Lo cònsol màger de Las Aisiás, Felipe Lagarde, e son conselh municipal an tengut un ròtle fòrt actiu dins la preparacion de las celebracions del Centenari del Musèu nacional de Preïstòria de Las Aisiás.