|
Dempuèi 1987, una equipa d'amorós d’Albuga prepausa als artistes de
crocar lo País d’Albuga amb diferentas tecnicas : òli,
aqüarela, goacha, pastèl, per fin de confrontar lors estiles a l’escasença d’una
exposicion a tèma dotada de prètz. E se las prumièras annadas los
pintres devián realisar sas tèlas sus lo viu e en l'espaci d'una
dimenjada, adara pòdon far tamponar sas tèlas al
printemps per las balhar al comitat d'organisacion a l'estiu. Un pauc
mai de temps per afinar, mas totjorn dins lo respècte d'una
òbra fresca de l'annada.
Aprèp quatre annadas d'interrupcion "Le Bugue Toucouleur" tòrna préner de
servici e presentava en aquela fin d'estiu 2007, a la Pòrta de la Vesèra
a Albuga, sa 16èma edicion. Testimoniatge del novèl lanç de sos
organisators, los membres de l'Associacion "Oeuvrer pour le Bugue" (Obrar per Albuga) que
an saubut rebombir aprèp èsser estat confrontats a un transfèrt de
competéncias arribadas lo 1er d’abril de 2007. Els qu’avián dempuèi
longtemps presidat a las destinadas de l'Òfici de Torisme d’Albuga an
vist aquela responsabilitat escaire a l'intercomunalitat "Tèrra de Cròs
manhon" que gerís lo novèl Òfici del País d’Albuga que recampa Albuga, Las Aisiás e Rofinhac. Per manténer tot-parier un
acuèlh S.N.C.F. a Albuga ont ‘chaptar vòstres bilhets de tren e contunhar
d'organisar los rendetz-vos artistics importants que son lo Salon
d'Automne, lo Salon de Printemps e Le Bugue Toucouleur, l'equipa a ‘gut
l'idèa de fondar l'associacion "Oeuvrer pour le Bugue" que representa plan
l'idèa dobla d'òbra d'art e d'òbra d'utilitat publica. Se voletz
vos tanben obrar per Albuga d’un biais o de l'autre,
trobaretz çai-jós las coordenadas de l'associacion.
Sophie Cattoire
|
