|
Los dos compaires, jornalistas, contaires, poètas e amorós de l’occitan an tanben,
dins lor jòune temps, balhat la plena mesura de lor talent sus de prats ont se fasiá
pas que minjat defòra... Lo Daniel e lo Jan an jogat ensemble jos las colors de
Montinhac, al mièg de las annadas 70 ! Laidonc per çò qu’es del rugbí, sabon de
que parlan...
Per aquel espectacle, a mièg-camin entre conte e café teatre, lo Daniel e lo Jan
an imaginat un vilatge del Perigòrd que viu al ritme de son equipa de rugbí. Lo
vilatge aquò’s Bèlacomba e lo club aquò’s lo Sporting. Totas semblanças amb de luòcs
o clubs coneguts, o quitament inconeguts, seriàn naturalament fortuitas e involontàrias.
Partant d’aquí, lo public es convidat a partatjar los bons e los maissants moments
del club, dels jogaires, dels dirigents, dels partisans e partisanas… Aquò’s a l’encòp
faceciós, comic e esmovent. Coma la vita dels vilatges e de las equipas de rugbí.
Òm i cròsa personatges nauts en color coma ne’n exista un pauc pertot ont se jòga
al balon oval.
Entre un viatge al Parc dels Princes, una istòria d’amor dins las annadas seissanta,
lo sermon d’un curet partisan o los mescomptes d’un sonhaire vengut d’alhors : aquò’s
una tièra de retrachs onte cadun pòt reconéisser los seus.
L’espectacle « Sèm pas venguts aquí per ne’n préner ! » es promés a un bèl avenidor
amb de las seradas a Pau, dins las Lanas, en Gironda, a París… e a çò que se ditz
lo Jo Maso quitament es interessat per lo presentar a l’equipa de França al moment
de la preparacion de quela d’aquí avant la Copa del Monde !
Prochains spectacles :
Vendredi 29 février 2008 à 21h,
salle Eugène Leroy (près du camping),
Le Bugue
Le 11 avril à Langon (33) 21h
Le 12 avril à Mussidan (24) 21h
Le 17 avril à Lannemezan (65) 21h
Le 19 avril à Périgueux centre de la communication (comité départemental de rugby) 21h
Le 26 avril à Lanquais (24) 21h
Le 3 mai à Saubrigues (40) salle de la Mamiselle 21h
Le 17 mai à Valojoux (24) 21h
Festivitats Agenda
|
