Fotòs de l'article Estampar l'article Somari Barratz aquela fenèstra Estampar l'article Somari

COMA PREVIST, LOS SINGLARS SE FAGUÈRON PAS CRUSCAR AISIDAMENT, SUL BÒRD DE LA VESÈRA

lo 4 de febrièr de 2007
Albuga - Belvès, Marca : 24 a 3

Aprèp la primordiala victòria de la partida anar sul planòl ventós de Sem Gallet, lo monde d’Albuga aculhissián amb fòrça malfisança los Singlars en roge e blanc que, fidèles a lor reputacion, ataquèron la partida sens trigar, pegant au cuèr, gratant un nombre important de balons au sòl e agressius en defensa. Calguèt un brave quart d'ora per que nòstres jogaires d’Albuga se reprenessen e comencessen de botar lor juòc en plaça, amb lor arma primièra : la conquesta en tòca.
Als citrons, ren èra jogat per çò qu’es del planchòt, tant mai que los visitors vesins abandonavan ren, e manquèron doás ocasions sus penalitat fàcia a las barras que aurián pogut tot botar en question.
Se la victòria es meritada per Albuga, gràcia mai que mai a dos ensags subrebèls de Nicolas BENOIT e Tony NEISEN, ne’n demòra pas mens que los jogaires de Belvès an recitat totas las qualitats qu'òm lor conéis e que rend injusta la desplasenta posicion qu'ocupan a l’ora d’ara al classament.
La victòria finala 24 a 3 permés als Blus de se tornar balhar un pauc mai d'oxigèn a la primièra plaça.

P.L.B.

Copyright (c) Ferrassie-TV 2007 Fotòs | Somari