Photos de l'article Imprimer l'article Accueil Fermer cette fenêtre Imprimer l'article Accueil

LOS MINIMES ÒMES AN FACH LO MAXIMUM

Se l’òm apren pas als vièlhs monards a far la monina, l’òm pesca pas tanpauc la Luna sens entraïnament. Los Minimes dròlles de l’ententa de rugbí Albuga – Lo Boisson – Belvés – Sent-Cíbran son estats aquesta annada jusca en Finala del campionat del Perigòrd Agenés, ont solide, an calat fàcia a Agen, mas ont an confirmat lor plaça de segond, reng mantengut tot al long d’una fòrt brava sason. Lor palmarés ne’n es la pròva : 1èr al « Tournoi Orange » departamental, 1èr al campionat departamental Grope A per los 2èma annada e 3èma del campionat departamental Grope C per los 1èra annada.



A l’escasença d’una partida intergeneracionala que amassa tota la còla aquel dissabte 13 de junh a l’estadi Renaud Cruveillier d'Albuga, los educators mostravan lor glòria e lor jòia. Pensatz-donc, son els que benevolament los preparan dempuèi lor pus joine atge e travèrsan cada dissabte lo Perigòrd Agenés per los menar sus lo viu a la victòria que, coma lo precisa Pèire Simonet, lor « manager » general :
« Se l’òm se congosta adara, aquò’s que l’òm i trabalha dempuèi longtemps ! Òm a los dròlles dempuèi l’atge de cinc ans e òm comença còp sec un trabalh de fons per lo fisic coma per lo mental. L’annada Minimes, aquò’s l’annada la mai dura. De setembre a junh ligan non stòp campionats, seleccions, tornegs, sens oblidar lo concors « Orange ». E tot aquò sens entraïnament, manca de temps. En clar, tots los dissabtes sèm dins lo car, e òm prepara los joines a entrar en pista. Aquò’s de tir a viu ont cadun deu aprene a far mai que son possible. »
E los resultats son aquí. La relèva, dejà, se far veire e dempuèi Albuga va investir tre la dintrada de grands clubs de la region : Florian Peyrat es estat seleccionat per Briva, Tristan Hills per Tolosa e Antòni Miquel serà cabdèt a Perigüers. L’an passat, quo era Anderson Neissen Chenier que rejonhiá Brive, seleccionat en equipa de França dels mens de 16 ans, e Alexís Neissen que rejonhiá lo celèbre club d’Agen.
Tornam dire que la còla d’educators benevòls de l’ententa de rugbí es compausada de Pèire Simonet, « manager » general, Pèire Avezou e Pierrick Gaucher, educators esportius, David Malaurie, entraïnaire, Patric Tourbier, preparator fisic, Gui Bourdie, Joan Leyssenot, Domenge Mourrier, per l’enquadrament administratiu. Aquesta sason, tots an pogut beneficiar de mai del sosten actiu de Pascal Peyrat. E oblidem pas de rendre omenatge tanben a las dròllas, bailejadas per Jacky Rigaudie. Las cabdètas d’Albuga son estadas aquesta annada jusca en finala del grope B del Perigòrd Agenés e son las solas de la Dordonha a aver participat al campionat Perigòrd Agenés / Còsta d’Argent ont an finit 2nda. Oblidem pas subretot que tot aquel temps passat amb los jovents, dròlles o dròllas, es lo secrèt de la perennitat d’un vertadièr vilatge ont las gents se sostenon e se respèctan per çò que fan grandir ensemble, e amb de vertadièras valors umanistas, lors dròlles.

Sofia Cattoire


RÉSULTATS SPORTIFS DE L’ENTENTE MINIMES
LE BUGUE – LE BUISSON – BELVES – SAINT CYPRIEN
SAISON 2008 – 2009


Vice Champion du Périgord Agenais Groupe A (derrière Agen) : 2ème année
7ème Finale du Périgord Agenais Groupe C : 1ère année

2ème du Championnat Périgord Agenais Groupe A : 2ème année
4ème du Championnat Périgord Agenais Groupe C : 1ère année

4ème Finale Départementale 24 Groupe A : 2ème année
4ème Finale Départementale 24 Groupe C : 1ère année

1er du Championnat Départemental 24 Groupe A : 2ème année
3ème du Championnat Départemental 24 Groupe C : 1ère année

1er du Challenge ORANGE Départemental
3ème du Challenge ORANGE Périgord Agenais


TOURNOIS PRIVÉS :

11 Novembre 2008 : SAINTE LIVRADE 4ème du Groupe A

26 Avril 2009 : ROCHEFORT 1er

1er Mai 2009 : MARMANDE 6ème du Groupe A

24 Mai 2009 : TOURNEFEUILLE
1er   : 2ème année
4ème : 1ère année

30 Mai 2009 : RIBERAC
Tournoi à 7 des Six Nations : 1er

--o-o-o--

Copyright (c) Ferrassie-TV 2009 - mise à jour 26 juin 2009 Photos | Sommaire