DE LAS MACADURAS JOS LA COETA

Aquel dimenge 2 de decembre èra un jorn important per lo club d’Albuga que anava veire son illustre jogaire cargat de marcar los còps de pè Antòni Vasquez passar lo relai al jove jogaire Francés Bourgeois. Mas los visitors èran pas venguts per aquò.
L'equipa de Gueret, solida, constructiva, plan rarament presa en fauta, èra venguda mostrar de rugbí de plan naut nivèl e los locals, e mai menessen a la marca, an agut a desplegar en tota fin de partida las reservas de còr qu'òm lor coneis per manténer la diferéncia, leugièra, e sortir ganhant d’aquel match esprovant.
Las doas equipas se son batudas 84 minutas de temps a un ritme dessenat. Lo bruch enòrme dels placatges ressonan enquera a mas aurelhas. Segurament, i aurà de las macaduras jòs la coeta aquesta setmana, al còr de la Cruesa coma au fin fons del Perigòrd…

Sofia Cattoire

Albuga :
Ensags : collectiu (2°), Blanc (33°), Ménard (36°), Ménard (39°), ensag de penalitat (59°). Transformacions : Antòni Vasquez (33°, 39°), Francés Bourgeois (59°).
Penalitats : Antoine Vasquez (12°).
Carton jaune : Ménard (22°). Carton blanc : Castenetto (65°).
Gueret : Ensags : Gauthier (64°), Patji (66°).
Transformacions : Gauthier (64°), Dulac (66°).
Penalitats : Gauthier (2°, 17°,22°, 45°,55 °).
Carton roge : Megatzale (84°).

Lo resumit del match per nòstre confraire PLB :

Malgrat un primièr temps tot fait de jòc dobèrt, de vivacitat, d'adreça e de combativitat de la part de l'equipa de Gueret, venguda far un bon còp a Albuga, los chivalièrs d'Albuga bòtan lor jòc en plaça progressivament amb un pack raionant e gratifican lo public de 4 o 5 balons portats de granda qualitat. Dos d'entre els seràn a l'origina de 2 ensags, abotissament d'un plan bon trabalh en tòca de Ludovic Croizet e Sacha Fisher, fulgurants dins los aires coma sus lo prat. La linha d'ataca d’Albuga, aprèp aver laissat passar l'auratge e teissut d’espinuts davant una ataca visitosa plena de vam, arriba a marcar per la seguida enquera 2 ensags, venguts del fin fons del terren sus prèp de 80 mètres, amb Charlie Yan Ménard a la fin. A la pausa, la marca de 27 a 9 es sevèra mas sembla tot-parier meritada.

PASSATGE DE RELAI JOS NAUTA SUSVELHANÇA

Al segond temps, una pagina d'istòria se vira dins lo club d’Albuga. Lo jogaire cargat de marcar los còps de pè Antòni Vasquez, sacrat esportiu de l'annada per nòstres confraires de Sud Oest, passa lo relai al jove jogaire Francés Bourgeois. Mas los regards son, per la fòrça de las causas, focalisats endacòm mai. Òm pensava lo match plegat en fin de primièr temps, ne'n es ren. Aquò èra sens comptar sus una plan brava equipa de Gueret que, jusca a la darrièra segonda, barrarà jamai lo jòc e se getarà sus tots los balons, en creire en sas chanças jusca a la fin. Caldrà marcar dins aquela partida 5 ensags contra 2 per Gueret e balhar un còr enòrme dins lo darrièr quart d'ora per remportar aquel match tot entièr virat vèrs lo jòc dobèrt. La diferéncia de cinc punts al benefici del monde d’Albuga sufirà pas vertadièrament, costat Blu e Blanc, per viure suausament las darrièras minutas. Los locals an tot-parier remportat aquel rencontre esprovant en sarrant los bolons jusca a la fin … e mai aprèp.

PLB