LO MANTEN EN FEDERALA 1 PER LOS CHIVALIÈRS D'ALBUGA

Aprèp lor victòria a l’ostal fàcia a Beaurepaire 27 a 12, los jogaires d’Albuga an obtengut lo tiquet per contunhar lor fòla epopèia en Federala 1. De jamai vist per un club de campanhards que defendon las colors d'un vilatge de 2700 estatjants. Aquò’s de creire que vertadièrament ren alterarà l’afògament dels Chivalièrs d'Albuga.

A la diferéncia del match anar onte los d’Albuga èran estats asfixiats per los còps de siulets de l'arbitre e lo jòc al sòl de Beaurepaire, los locals prenon lo match a lor compte a partir del còp de pè d’aviada e lo daissaràn pus jusca al còp de siulet final.

La conquista e la mesclada d’Albuga son estadas a la basa d'una tièra de sequéncia onte tot lo monde tocava lo balon. Una equipa d’Albuga al diapason e en rota per la victòria. Quatre ensags de tota beutat van moblar la marca dels locals, los gratificant del meteis còp del bonús ofensiu, en los manténer matematicament en primièra division federala de faiçon segura. Lo « up-trick » de Ciril Charrier (marcant tres còps), mai un subrebèl ensag de Pèire Blanc an permés als nombrós espectators de se congostar.

Beaurepaire, batut davant e tapant las traucadas darrièr, a pogut nonmàs tornar partir amb quatre penalitats e pas lo mendre ensag malgrat una fin de partida un pauc mai tonica.

Albuga es assegurat de demorar en primièra division federala, vai èsser interessant per los Chivalièrs d'Albuga d'abordar las fasas finalas del Campionat de França amb tant de seriós per esperar realisar quicòm d'inedit.

P.L.B.