Voir les reportages Photos de l'article Imprimer l'article Accueil Fermer cette fenêtre Voir les reportages Imprimer l'article Accueil

LO PERIGÒRD, TÈRRA D'AVENTURA

Quò es, coma tots los estius, de la grana d'aventurièrs que lo Perigòrd Raid Aventura a semenat sus un canton de Dordonha – en l'ocurréncia en aquel mes d'agost 2012, lo canton de Salanhac e Eivigas – en organizant la dètz-e-setena edicion d'una fantastica caça al tresaur, per monts, per vals, per cròsas e per castèls, amb per sol carburant la fòrça vitala e mentala de 250 joves venguts de França tota, comprés La Reunion. Quatre jorns d'espròva en VTT, rolèrs, canoè, tiroliana, pont de singe e corsa a pè, fòra dels grands axes, a la descobèrta del país de las bòrias, aquelas famosas cabanas bastidas en lausas que fan tot l'embelinament d'aquel ranvèrs del Perigòrd negre.

Venguts per ganhar, aquels joves convidats a se subrepassar tant dins l'esfòrç coma dins l'esperit d'equipa an de mai aprés a s'adaptar a tota mena de situacion en plena natura, tornant trobar entau la pus brava partida de çò que sèm, nòstre costat animal, aquela connexion a la tèrra, vitala, qu'avèm perduda per una part dins las vilas e qu'es tant essencial de tornar trobar. Basta, gràcia al Conselh general de la Dordonha que per lo dètz-e-seten còp debanava jos los pès d'aquela afogada joinessa lo treslusent tapís verd de nòstre preïstoric Perigòrd, país de l'òme, lo grand rite de passatge vèrs l'atge adulte s'es un còp de mai realizat, semenant per totas aquelas vitas de granas de curiositat, d'amistat e de respèct per la tèrra maira que anóncia un futur ensolelhat.

L'an que ven, en agost 2013, lo Perigòrd Raid Aventura se debanará dins los cantons de Doma e de Vilafranca-de-Perigòrd. Un còp de mai, lo scenarista e doctor en Preïsòria, Tierrí Félix, imaginará un scenari sus mesura amb un enigma e un tresaur amagat d'un biais a far valer totas las riquesas patrimonialas d'aquel terraire.

Se en agost 2013, auretz entre 14 e 16 ans, balancet pas a vos inscriure auprès del Servici dels Espòrts de la Dordonha per participar a aquela geniala aventura.

Tornaretz trobar lo film d'aquela espròva sul siti del Conselh general de la Dordonha e l’ensemble de las fotòs aicí sus www.albuga.info atal coma lo DVD que ven de sortir. .

Sofia Cattoire

 



DVD Périgord Raid Aventure 2010 DVD Périgord Raid Aventure 2011 DVD Périgord Raid Aventure 2012

Se avètz entre 14 e 16 ans, poiretz vos inscriure per l'edicion venenta que se debanará dins los cantons de Doma e de Vilafranca-de-Perigòrd en agost 2013 en anar sul siti : http://sports.cg24.fr o en telefonar a la Direccion dels Espòrts del Conselh General de la Dordonha al 05 53 45 40 20.

 


Le Conseil Général de la Dordogne présente la 17e édition du Périgord Raid Aventure
Les lauzes de Saint-Geniès - Dans le secret de la pierre sèche


Veire lo film
« Les lauzes de Saint-Geniès - Dans le secret de la pierre sèche »
sul siti del
Conselh General de la Dordonha.


Copyright (c) Ferrassie-TV 2012 - 22 novembre 2012 Fotòs | Somari