|
L'amarrissatge dels bernats-pescaires, dels canards o de las aucas salvatges, aquò’s
l’esquí a l'estat pur. Aquò’s a quel plaser de la glissa que los benevòles del Babyski
Torn convidan los dròlles de 3 a 10 ans cada mes de junh dempuèi tres ans. Amb una
astúcia per eschivar l'experiéncia plonjanta de l’arnièr : los esquís son estacats
al batèu e los drollets, ben arrapats a la barra, an tots lo plaser de surfar coma
de campions. Aquò’s gaujós, a gratís e deuriá concernir tots los mainatges de nòstra
brava Dordonha, rica en plans d'aiga que son tant d'ecosistèmas d'excepcion.
E justament, lo Babyski s'esfòrça de los aparar : gràcia a un vertadièr metòde de
respèct de las ribas e de l'aiga, los organisators, menats per lo bombilhant Vincenç
Cazcarra, an agut aquesta annada lo labèl espòrt e desvolopament durable desliurat
per lo Comitat Nacional Olimpic e Esportiu Francés. Basta, lo Babyski Torn, aquò’s
una ocasion de far aimar l'aiga, la natura, la glissa e la vita a nòstres dròlles
e aquò arriba prèp de chas vos tot del long del mes de junh. Cal subretot pas vos
privar d’aquò.
Sophie Cattoire
|
