|
Victòria al finish a Isla (Nauta-Vinhana) dimenge, aprèp una fin de partida desalenada
ont lo paquet d’avants d’Albuga esbolhèt tot sus son passatge per anar marcar dos
ensags de sièc, que permetèron de tornar a la marca aprèp èstre estat menat 19 a
9 a cinc minutas de la fin del temps reglamentari. Beaufort, lo darrièr jogaire
cargat de marcar d’aquela partida dominicala, del bòrd de la tòca, balha la victòria
als seus jos los crits de jòia del banc d’Albuga e del nombrós public qu’aviá fait
lo desplaçament de la Dordonha. Una victòria venguda aprèp una partida ont los locals
an tot ensajat per far tombar lo leader, que lo demòra, e totjorn invincit. Los
dimenges que venon van atirar la granda fola a Renaud Cruveiller amb la venguda
dels vesins Lalinda e Brajairac.
PLB
|
