|
Los blu e blanc an laissat paguna chança a la seriosa equipa de Sant Junian que
compta demest los pretendents de la pola, amb una marca sens apèl de 40 a 20,
quatre ensags subrebèls e un sens fauta al pè de Vasquez dins sas temptativas.
Lo « pack » local a fait una vertadièra demonstracion dins los encadenaments o
dins los gropats penetrents, en tòca ont rasclèt mai d’un balon sus lançar
advèrse, e dins lo combat. Las linhas de darrièr se son botadas al diapason
amb, mai que mai, Damien Marty que amenèt o marquèt dos ensags magnifics.
Mas per que i aja una partida de rugbí de nauta tenguda, fal doas bravas equipas
sus lo terrenh. Aquò’s fuguèt lo cas. En efièch, los Lemosins seran durs a batre
‘questa sason. Amb un « pack » plan seriós e una linha de tres quarts de granda
qualitat, postularan sens pagun dobte a las plaças d’onor.
Lo nombrós public a apreciat le granda qualitat dels jogaires d’Albuga e òm
espera amb impaciéncia la confrontacion pròpcha amb los vesins belvesès, sul
planièr ont lo « vent bufa sovent ».
PLB
|
